Futbol

Tərlan Əhmədov: “Fasilədən sonra əsas məqsədimiz hesabı qorumaq idi”

25.08.2019 , 22:50

“Keşlə”nin baş məşqçisi Tərlan Əhmədov Azərbaycan Premyer Liqasının ikinci turunda səfərdə “Sabah”a 1:0 hesabı ilə qalib gəldikləri oyundan sonra matçla bağlı fikirlərini bildirib.

Korner.az xəbər verir ki, mütəxəssis qələbəni şərh edib:

“Ağır oyun keçdi. Deyərdim ki, birinci hissədə daha maraqlı oyun sərgilədik. Fasilədən sonra əsas məqsədimiz qələbə hesabını qorumaq idi. Çalışdıq ki, ötən oyunda buraxdığımız səhvləri bu dəfə təkrarlamayaq. Komandamızın çıxışından razı qaldım, amma oyundan- oyuna daha da yaxşı futbol sərgiləyəcəyik. Qarşıda bizi “Qəbələ” ilə çətin səfər qarşılaşması gözləyir”.

Son yazılar

Yuxarı