Topaz Premyer Liqasının XXXII turu çərçivəsində mayın 2-də “Qarabağ”la qarşılaşacaq “Qəbələ” matçın hazırlıqlarına start verib.
Korner.az-ın məlumatına görə, “Xəzər Lənkəran”la aprelin 25-də səfərdə keçirilən XXXI turun oyununun (1:0) ertəsi günü Bakıda məşq edib, Qəbələyə qayıdan bölgə təmsilçisi bu gün çalışmalarını doğma meydanda bərpa edib.
Bir günlük istirahət edən komandanın hazırlıqlarına fizioterapiya kursu keçən Dodo qatılmayıb. Braziliyalı yarımmüdafiəçi “Qarabağ”la oyunda komandasına kömək edə bilməyəcək. Roman Qriqorçukun yetirmələri oyunadək hazırlıqlarını Qəbələ şəhər stadionunda davam etdirəcək.
Qeyd edək ki, mayın 2-də Qəbələdə keçiriləcək “Qarabağ”la qarşılaşma saat 19:00-da başlayacaq.
