“Prezident Kuboku 2024”: Azərbaycanlı cütlük reqatada 3-cü oldu
02.05.2024 , 19:17
Ulu Öndər Heydər Əliyevin 101-ci ildönümünə həsr edilən akademik avarçəkmə, kayak və kanoe üzrə “Prezident Kuboku 2024” beynəlxalq reqatasında Azərbaycan komandası daha bir medal qazanıb.
Korner.az xəbər verir ki, Qiyas Əhmədov – Vacib Babayev (2008-2009 təvəllüdlü) cütlüyü bürünc medala sahib çıxıblar.
Onlar 500 metr məsafəyə kayak yarışında üçüncü olublar.
Bu, Azərbaycan təmsilçilərinin 4-cü mükafatıdır. Milli üzvləri daha əvvəl qızıl, gümüş və bürünc medala yiyələniblər.
Qeyd edək ki, turnir mayın 3-də başa çatacaq.
