Messi yenidən Argentina millisində
01.11.2019 , 14:04
Argentina milli komandasının Braziliya və Uruqvayla keçirəcəyi yoxlama oyunları üçün heyəti açıqlanıb.
Korner.az xəbər verir ki, yığmanın baş məşqçisi Lionel Skaloni 26 futbolçuya dəvət göndərib.
“Barselona”nın futbolçusu Lionel Messi də üç aylıq fasilədən sonra yenidən yığmaya çağırılıb. 32 yaşlı hücumçu ilə yanaşı, Serxio Aquero da yenidən milliyə dəvət alıb.
Messi, Argentina millisi Amerika kuboku-2019-da mübarizəni dayandırdıqdan sonra verdiyi açıqlamalara görə 3 ay müddətinə cəzalandırılmışdı.
