İspaniya La Liqasının başa çatmasının ardından meydana ilk dəfə çıxan Lionel Messi oyunsonrası fikirlərini bölüşüb.
Korner.az-ın məlumatına görə, "Barselona"nın "Hamburq"a qarşı keçirdiyi ilk hazırlıq qarşılaşmasında zədəsi səbəbiylə forma geyinə bilməyən Messi, "Raja Kasablanka"yla 8:0-lıq qələbədə het-trik edərək yenə diqqətləri üzərinə çəkib.
Matçdan sonra mətbuat konfransı keçirən Messi bunları deyib: "Mövsümün sonunda ölü kimiydim. Bir az dincəldim. İndi hər şey yaxşıdır. Hər şey həminki kimidir. Eyni həyat, eyni komanda. Heç bir fərq hiss olunmur".
