London Yay Olimpiadasında cüdo yarışları davam edir. Korner.az-ın məlumataına görə, bu gün turnirin ikinci günündə daha bir Azərbaycan cüdoçusu Tərlan Kərimov tatami üzərinə çıxıb və olimpiadada ilk qələbəsini qazanaraq 1/8 finala vəsiqə qazanıb.
İdmançımız 1/16 finalda rusiyalı Musa Moquşkovu əlavə vaxtda yuko fənni ilə məğlub edib. Tərlan Kərimov növbəti mərhələdəki rəqibi misirli Əhməd Avad olub. İdmançımız bu görüşdə də qələbə qazanaraq növbəti mərhələyə yüksəlib. İki yuko xalı ilə qələbə qazanan T.Kərimov bu mərhələdə ispan Suqoi Uriarte ilə qarşılaşacaq.
Tərlan Kərimovla ispan idmançısı arasında 1/4 final görüşü Bakı vaxtı ilə saat 16:18-də başlanacaq.
66 kq-da mübarizə aparacaq cüdoçülarımızın mübarizəsi isə Bakı vaxi ilə saat 15:30-da başlanacaq.
Qeyd edək ki, London Olimpiadasına 8 cüdoçu ilə yollanan yığmamızın heyətində artıq bir idmançı mübarizəni dayandırıb. İlqar Müşkiyev ötən gün ilk görüşdə erməni cüdoçusu Ovanes Davtyana uduzaraq turnirlə erkən vidalaşıb.
