DÇ-2014-ün seçmə qrup mərhələsinin oyunları ilə əlaqədar Premyer Liqada yaranmış fasilədən istifadə edərək Gürcüstana yollanan "Simurq" yoldaşlıq görüşü keçirdi. Komandanın rəqibi Qori şəhərinin təmsilçisi "Dila" klubu idi.
Korner.az-ın məlumatına görə, Zaqatala təmsilçisi qarşılaşmadan qalib ayrıldı – 1:0. "Simurq"un qolunu oyunun 14-cü dəqiqəsində cərimə zərbəsindən Marçin Burxardt vurdu.
Komandanın baş məşqçisi Georgi Çixradze sözügedən matçdan sonra fikirlərini bildirib: “Hazırlıqlar hələ Zaqataladan başlayan proqram üzrə davam etməkdədi. Milli komandaların oyunları ilə əlaqədar olaraq yaranmış fasilədən fəal şəkildə yararlanmaq lazım idi.
Bu üzdən Gürcüstanın Qori şəhərinin “Dila” klubu ilə çox yaxşı yoxlama oyunu keçirdik. Bu matç futbolçuların oyun praktikası toplaması baxımından yararlı oldu. Hazırda komanda Zaqataladadı və “Bakı” ilə oyununun hazırlıqlarını keçir”.
