Bir müddət öncə "Xəzər Lənkəran"ın baş məşqçisi Mustafa Dənizlinin "Sumqayıt"dan Slavik Alxasovu istədiyi deyilmişdi və klubda bunu təsdiqləmişdi.
Korner.az-ın məlumatına görə, mətbuatda türk mütəxəssisin "Sumqayıt"dan daha iki futbolçu Elşən Abdullayev və Orxan Əliyevi də istədiyi iddia olunub.
Bu barədə klubun mətbuat xidmətinin rəhbəri Hüseyn Cəbrayıloğlunun fikirlərini öyrəndik:
"Bu barədə nəsə demək hələ tezdi. Çalışmalarımız davam edir. Mustafa Dənizli Slavik Alxasovu komandada görmək isəyir. Elşən və Orxan haqqında nəsə deyə bilmərəm. Komandada yerli futbolçuların olmasını məşqçimiz də istəyir Danışıqlar gedəcək, nəsə demək üçün hələ tezdi".