“Bir dəfə “Rotor”la oyun öncəsi Vladiqafqazın meri hesabı açan “Alaniya”nın üzvünə milyon rubl verəcəyini vəd etmişdi. Bunu etmək mənə qismət oldu. Üç rəqibimi aldadıb vurdum, qol oldu. Beləcə milyoner oldum”.
Korner.az-ın məlumatına görə, bu sözləri “Neftçi”nin baş məşqçisi Nazim Süleymanov deyib.
“Neftçi”nin çalışdırıcısı UEFA-nın rəsmi saytına müsahibəsində Rusiyada oynadığı dövrlərdə başına gələn maraqlı hadisələrdən danışıb: “Daha bir maraqlı əhvalat yadımdadı. Mən legioner limiti üzündən heyətə düşə bilməmişdim. Mən o vaxt yaşadığım mənzildə qalan bir qonşum oyunu izləyərkən heyətdə olmadığımı görər. Stadionda olarkən iki azarkeş arasındakı dialoqdan eşidər ki, legioner limitinə görə oynamıram. Qonşum qayıdıb deyər ki, “nə Nazim legionerdi? O ki mənimlə bir binada qalır”.