“Tottenhem”in baş məşqçisi Maurisio Poçettino İngiltərə çempionatının XII turu çərçivəsində “Arsenal”la keçiriləcək oyun haqda danışıb
“The Telegraph”a açıqlama verən təcrübəli çalışdırıcı maraqlı fikirlər səsləndirib.
O, derbinin favoriti olmadığını bildirib: “Arsenal” əla komandadı. Bu görüş hər iki komandanın azarkeşləri üçün böyük önəm kəsb edir. Həmişə belə olub. Derbi xüsusi oyundu və 90 dəqiqə ərzində hər şey ola bilər. Rəqibin baş məşqçisi Arsen Venger tərifə layiqdi. Mənim üçün o, həmişə xüsusi məşqçi olacaq. Bir klubda 20 il çalışmaq və daim zirvədə qalmaq asan deyil. Əgər komandanı 5 il çalışdırmısızsa, deməli, yaxşı məşqçisiz. Bir klubda 20 ildən çox qalmaq isə sizi xüsusi məşqçi edir. Venger novator olub. Futbola yeni bir şey gətirmək isə hər zaman çətindi”.
Qeyd edək ki, “Arsenal” – “Tottenhem” matçı sabah keçiriləcək.
