"Neftçi" klubunun kapitanı Rəşad Sadiqov komandadan birdəfəlik göndərilib.
Korner.az-ın məlumatına görə, təcrübəli futbolçu klub rəhbərliyinin göstərişi ilə əvəzedici heyətə göndərilmişdi.
Klub başqanı Sadıq Sadıqov Rəşadın komanda daxilində intizamı pozduğunu və əvvəlki formasından aşağı oyun nümayiş etdirdiyini bildirmişdi. Sadıqov onu da demişdi ki, əgər kapitan əvəzedici komandanın məşqlərinə qatılmasa, bu, onun üçün baha başa gələcək.
Əldə etdiyimiz məlumata əsasən, Sadiqov "dubl"la məşqə çıxmaqdan imtina edib. Klub rəhbərliyi isə onun bu davranışını ən ağır cəzayla – komandadan qovmaqla "qiymətləndirib".
