“Arsenal”ın keçmiş müdafiəçisi Sol Kempbell klubun bu mövsüm üçün olan çempionluq şanslarını dəyərləndirib.
Korner.az-ın məlumatına görə, 2006-cı ilin Çempionlar Liqasınını finalında “Barselona”ya qarşı oyunda fərqlənən müdafiəçi klubun ötən mövsümdə də çempionluğa oynadığını bildirib. Lakin sonda zədələrin kluba mane olduğunu xüsusi qeyd edib:
“Mövsümün başlanğıcından sonuna qədər möhtəşəm formada olmaq lazımdı. Ötən mövsüm biz turnir cədvəlinin ilk pilləsindən zədələrə görə düşdük. Həlledici anda biz Remzi, Uolkot, Vilşer və Çemberleynin xidmətindən məhrum olduq. Əgər yeni mövsümdə zədələrdən qaçmaq mümkün olsa, “Arsenal” çempionluq uğrunda mübarizəsini sonadək davam etdirəcək”