“Qalatasaray” Çempionlar Liqasıyla vidalaşsa da, futbolçuları Avropanın ən nəhəng klub turnirinə damğalarını vurublar.
Korner.az-ın məlumatına görə, “sarı-qırmızılılar”ın yarımmüdafiəçisi Selçuk İnan ÇL-in 2012-2013-cü illər mövsümünə adını qızıl hərflərlə yazdırıb.
O, klubların qitə yarışının cari mövsümündə yarımfinaladək gəlib çıxan 5 ən çox forma geyinən furtolçudan biridi. Selçuk “Qalatasaray”ın oynadığı 10 matçın hamısında 90 dəqiqə meydanda olub.
Bununla yanaşı, 28 yaşlı havbek, bu mövsüm Xavidən sonra ən çox ötürmə verən futbolçudu. Onun 722 ötürməsindən 535-i ünvanına çatıb – 74 faiz.
Selçuk “Yuventus”lu Andrea Pirlo və “Borussiya”lı (Dortmund) Şmelzerdən sonra meydanda ən çox məsafə qət edən 3-cü futbolçudu.
Burak və Selçukla yanaşı, “Qalatasaray”ın bir başqa ulduzu Hamit Altıntop da ÇL-in cari mövsümünün tarixinə düşüb. “Mançester Yunayted” və “Şalke” ilə qarşılaşmalarda topu 3 dəfə dirəyə nişanlayan təcrübəli futbolçu ÇL-in ən şanssız oyunçularından biri olaraq turnirlə vidalaşıb.
