Bu gün UEFA Avropa Liqasının II təsnifat mərhələsi çərçivəsində “İnter”lə qarşılaşacaq Norveçin “Tromse” klubunun baş məşqçisi Aqnar Kristensen oyun öncəsi mətbuat konfransı keçirib.
Korner.az-ın məlumatına görə, təcrübəli mütəxəssis bugünkü oyunla bağlı bunları deyib:
“İnter”in Lomaya kimi çox təcrübəli qapıçısı var. Üstəlik rəqibin heyətində təcrübəli müdafiəçi Brüs Abdulayeni də qeyd etməliyəm. Slavço Georgiyevskini də yaddan çıxarmaq olmaz. Makedoniyalı futbolçu yaxşı ötürmələri ilə diqqət çəkir. Rəqibi yaxşı analiz etmişik. “İnter” səfərdə əsasən 4-2-3-1 taktiki sxemi ilə oynayır. Bu taktika ilə onlar topu daha çox özlərində saxlamağa çalışırlar. Bu axşamkı görüşdə onlara mərkəz xəttini keçməyə imkan verməməliyik. Yoxsa, bizə çətin olacaq. “Mariehamn”la oyunda bunun şahidi olduq. İstənilən halda səfərdə rahat oynamaq üçün bu axşam mütləq qələbə qazanmalıyıq”.
Qeyd edək ki, “Tromse” – “İnter” matçı sabah, Bakı vaxtı ilə 22:00-da başlayacaq.
