Bu gün UEFA Avropa Liqasının II təsnifat mərhələsi çərçivəsində səfərdə Norveçin “Tromse” klubu ilə qarşılaşacaq “İnter”in baş məşqçisi Kaxaber Sxadadze oyun öncəsi mətbuat konfransı keçirib.
Korner.az-ın məlumatına görə, “bankirlər”in gürcüstanlı çalışdırıcısı “Tromse”ni yaxşı tanıdıqlarını bildirib:
“Biz artıq 2013-cü ildə yaşayırıq və internet üzərindən istənilən rəqib haqda məlumat toplamaq mümkündür. Sözümə qüvvət olaraq deyə bilərəm ki, “Tromse”ni artıq yaxşı tanıyırıq. “Tromse”nin bizə nisbətən Avropada təcrübəsi daha böyükdür. Rəqib yaxşı komandadır. Özünəməxsus oyun üslubları var. Rəqibə hörmətlə yanaşırıq. Onlar haqda çox şey bilirik və bu hər hansı sürpriz etmək üçün yetərli olacaq”.
Qeyd edək ki, “Tromse” – “İnter” matçı sabah, Bakı vaxtı ilə 22:00-da başlayacaq.