“Rəvan” gücünü yoxlama matçlarında sınamaqda davam edir.
Korner.az-ın məlumatına görə, növbəti mövsümə hazırlaşan “aslanlar” daha bir görüş keçiriblər. Paytaxt klubu yay təlim-məşq toplanışı dönəmində ikinci dəfə “Şuşa” ilə üz-üzə gəlib.
“Rəvan” “Dalğa Arena”da reallaşan oyunda “Şuşa”nı 2:1 hesabı ilə üstələyiblər. Komandanın qollarını Aslan Hüseynovla Elgün Abbaslı vurub.
Qeyd edək ki, “Rəvan” növbəti yoxlama oyununu avqustun 21-də “Ağsu” klubuna qarşı keçirəcək. (klub saytı)