Qurban Qurbanov: “Ciddi rəqibə qarşı oynayacağıq”
01.06.2024 , 16:57
Azərbaycan Kubokunun finalında keçiriləcək “Qarabağ” – “Zirə” oyunundan öncə keçirilən mətbuat konfransında Ağdam klubunun baş məşqçisi Qurban Qurbanov jurnalistlərin suallarını cavablandırıb.
Korner.az xəbər verir ki, mütəxəssis öncə fikirlərini bildirib.
Hər birinizi salamlayıram. Çox istərdim ki, baxımlı oyun olsun. Ciddi rəqibə qarşı oynayırıq. Bilirsiniz ki, hazırda turnir cədvəlində 2-ci yerdir. Matça ciddi hazırlaşırıq. Hansı ki, çox yaxşı formada olan komandaya qarşı oynayacağıq. Hər zaman təkrar edirəm ki, kubok başqa prestijdir. Çalışacağıq ki, oyunda ən yaxşısını edək.
– Qapıda hansısa rotasiya ola bilər?
– Oyundan əvvəl kiminsə olacağını heç vaxt deməmişəm, amma üstünlük Lunyovdadır.
-Penaltilərə hazırsız?
-Penaltilərə psixoloji olaraq hazır olmaq lazımdır.
-Axşam “Real”a azarkeşlik edəcəksiz?
-“Qarabağ”a azarkeşlik edəcəm (gülür). Layiq olan qalib gəlsin.
