_w140_h96.jpg)
“Rubin”in baş məşqçisi Qurban Berdıyev son günlər gündəmdən düşməyən MDB ölkələrinin çempionatlarını birləşdirmək ideyasına münasibət bildirib.
Korner.az-ın Rusiya mətbuatına istinadən məlumatına görə, türkmənistanlı çalışdırıcı bu təklifə qarşı çıxdığını sərt ifadələrlə bəyan edib.
Berdıyev Kiyev “Dinamo”su və Donetsk “Şaxtyor”u kimi güclü komandalarla ayrıca oyunların keçirilməsinin azarkeşlərdə müsbət emosiya yaradacağını desə də, digər komandaların oyunlarına heç bir maraq olmayacağını deyib: “Məsələn, Xarkov “Metallist”iylə oyun kimdə müsbət emosiya oyadacaq? Yaxud azarkeşlər “Dnepr”lə qarşılaşmalarımıza gələcəklərmi? Bax, bunlar böyük suallar doğurur. İkincisi, tutaq ki, ideya baş tutdu. Kim qazanacaq bundan? Təbi ki, maliyyə cəhətdən yüksəkdə duranlar. Mən başa düşə bilmirəm, öz Premyer-liqamız getdikcə güclənirsə, bizdən zəif olanlarla niyə birləşməliyik? Üçüncüsü, birləşsək, Çempionlar Liqasına 2 vəsiqə olacaq. Bunu da ya Rusiya, ya da Ukrayna klubları alacaqlar. Tutaq ki, Kiyev “Dinamo”suyla Donetsk “Şaxtyor”u aldı o vəsiqələri. Onda rus klubları nə edəcəklər? Yaxud vəsiqələri Rusiya klubları alanda Ukrayna klubları kənarda qalacaqlar. Bizim azarkeşlərə lazımdımı bu?”
Xatırladaq ki, “Rubin” Avropa Liqasının qrup mərhələsində “Neftçi”nin rəqibi olmuş və hər iki oyunda qalib gəlmişdi.
