Düz 3 il bundan öncə 2009-cu ilin sentyabr ayının 17-də Korner.az saytı fəaliyyətə başladı. Yarandığı gündən doğruluq, obyektivlik və peşəkarlıq bu saytın devizi olub.
Prinsipiallığı və obyektivliyi ilə idman mətbuatında özünəməxsus yer tutan, hər zaman haqlının yanında yer alıb, haqsıza qarşı mübarizə aparan sayt bu gün 3 yaşını qeyd edir. Bunun məntiqi nəticəsidir ki, saytımız bu gün Azərbaycanda sevilir və qəbul edilir.
Biz satılmadıq və satın alınmadıq! Reklam verir deyə klublara boyun əymədik, susmadıq. Düzü düz, əyrini əyri yazdıq.
Saytın baş redaktoru Saleh Arslan 1 il bundan öncə Korner.az-ı yüksəklərə qaldıracağını dedi və əməl etdi. Düz 1 il bundan öncə bu idman portalının 250-300 nəfər oxucusu var idi. Lakin verilən vədə əməl edildi. Korner.az redaktoru və işçilərinin qüvvəsi ilə indi Azərbaycan idman mediasında 2000-2500 nəfər oxucusu ilə söz sahibidi.
Hər gün operativ xəbərləri, maraqlı müsahibə və köşə yazıları ilə oxucularını sevindirən Korner.az, 3 yaşın mübarək!
Bu 3 illik fəaliyyətimizdə bizə dəstək olan hər kəsə təşəkkür edirik!
Səxavət QURBANOV
