"Le Racing Club"-un prezidentindən İlham Əliyevə yenidən Azərbaycan Respublikasının prezidenti seçilməsi münasibətilə təbrik məktubu gəlib. İlk baxışda hər şey qaydasındadı. Amma Klubun prezidentinin adını ilə məktubdakı bir cümləni yanaşı yazmaq kifayətdi ki, hər şeyin qaydasında olmadığını görəsən.
Məsələ ondadı ki, AzərTAc-ın və Prezidentin saytının (president.az) "Le Racing Club" kimi təqdim etdiyi klub artıq azərbaycanlı futbolsevərlərin aylardı tanıdığı "Lans" futbol klubudu. Bunu yalnız məktubu göndərənin adından bilmək olar. Çünki o klubun tam rəsmi adı heç də "Le Racing Club" deyil, "Racing Club de Lens"-di. Amma bunun da üzərindən keçmək olardı – məktub müəllifi Bakının "Neftçi" klubuyla əməkdaşlıqdan məmnunluğunu (")yazmasaydı("). Məktubdan sitat: "Son aylar “Le Racing Club” və Bakının “Neftçi” klubu arasında yaranan əməkdaşlıq idman mübadiləsi baxımından çox səmərəli olmuşdur". Halbuki bu fransız klubuyla əməkdaşlıq edən "Neftçi" yox, "Bakı"dı.
Görəsən, bu kobud səhv hardan və kimdən qaynaqlanır? Doğrudanmı Martel əməkdaşlıq etdiyi, milyonlarını aldığı adamın klubunun adını dəqiq bilmir? Yaxud bəlkə kimlərsə özlərini prezidentə şirin satmaq istəyiblər? Ya da bəlkə doğrudan da sadəcə texniki səhvdi bu?
