"Qalatasaray"ın baş məşqçisi Roberto Mançininin qızı Kamilla "Twitter"də azarkeşlərlə dalaşıb.
Korner.az-ın məlumatına görə, buna səbəb onun "Real" – "Qalatasaray" matçından sonra yazdığı "tweet" olub.
Belə ki, "Qalatasaray"ın 1:4 hesablı məğlubiyyətindən sonra Kamilla Mançini "Twitter"dəki hesabında "Utanc verici müdafiə! "Real" 1 nəfər əskiklə oynadı, amma qazandı. Daha çox çalışmalıyıq" mesajını paylaşıb. Daha sonra isə o, "tweet"nə gələn şərhə sərt reaksiya verib.
Azarkeşlərdən biri xanım Mançininin atasını nəzərdə tutaraq "Utanc verici baş məşqçi" şərhini yazıb. Kamilla isə onu "Kəs səsini" deyərək susdurmağa çalışıb.
Baş məşqçinin qızı başqa bir azarkeşə belə cavab verib: "Atamın əlində sehirli çubuq yoxdu. Zamana ehtiyac var".
Daha sonra Kamilla "tweet"lərini silərək hesabını bağlayıb.
