Bir qədər əvvəl saytımızın e-mail ünvanına gələn oxucu məktubunu diqqətinizə çatdırmış və bildirmişdik ki, artıq klubun da mövqeyini öyrənmişik.
Cənub təmsilçisinin mətbuat katibi Hüseyn Cəbrayıloğlu Korner.az-a açıqlamasında həm Eder Bonfim, həm də özü ilə bağlı iddialara cavab verib:
“Eder Bonfimin komandadan uzaqlaşdırılması nizam-intizamı pozduğuna görədi. Hansısa bir azarkeş yazırsa, Bonfim araq içib, pivə içib, mən onu deməliyəm? Mən bu klubun içində olan hər şeyi car çəkib deməliyəm? Mənim işim mətbuat xidmətidi. Heç kim mənim qədər “Xəzər Lənkəran”ı istəyə bilməz. Bu klubun bəzi azarkeşlərinin heç futboldan başı çıxmır. Gəlib stadionda 10 dəqiqə qışqırmaqla deyil. “Maral, maral” mahnısı oxuyan fanatlar, yaxşı olar ki, komandanı qələbəyə səsləsinlər, dəstək olsunlar. Bu klubda məndən başq kimsə yoxdu? Gün ərzində xeyli zəng gəlir. Düzdü, bu mənim işimdi, ancaq baxır hansı sualları verirlər. Elə sual verirlər, elə günahkar çıxarırlar ki… Tutaq ki, ayaqqabı futbolçumuzun ayağını “mazol” eləyib. Bunu da çıxıb deməliyəm? Klubdaxili məsələlərin hamısını açıb azarkeşə deməyə borclu deyilik.
Bonfim məsələsinə gəlincə, yenə deyirəm, bilmirəm hansı intizamsılığa görə qovulub. Ancaq qeyd etdiyim kimi, nizam -uintizamı pozduğuna, daxili ab-havanı korladığına görə komandadan uzaqlaşdırılıb”.
