“Bakı” klubunun sahibi, iş adamı Hafiz Məmmədov İspaniya kubokunun 1/8 finalının “Atletiko”-“Real” matçını izləyib.
Korner.az-ın Sportpress.az-a istinadən verdiyi xəbərə görə, H.Məmmədov Visente Kalderon stadionunun VİP lojasından Madrid derbisinə baxıb. Daha sonra Hafiz Məmmədov “Atletiko” rəsmiləri ilə görüşüb.
İspaniya kubokunun 1/8 final mərhələsinin ilk oyununda “Atletiko” 2:0 hesablı qələbə qazanıb.
Qeyd edək ki, “Bakı” klubu ilə “Atletiko” arasında imzalanan müqaviləyə əsasən Madrid təmsilçisi meydana üzərində “Azerbaijan. Land of Fire” yazılan formalarda çıxır.
