“Fasilədə futbolçulara tapşırıq verdim” – Qurban Qurbanov
26.08.2020 , 22:30
Çempionlar Liqasının II təsnifat mərhələsində keçirilən “Qarabağ” – “Şerif” matçından sonra (2:1) Ağdam klubunun baş məşqçisi Qurban Qurbanov mətbuat konfransında jurnalistlərin suallarını cavablandırdı.
Korner.az xəbər verir ki, o, öncə oyunla bağlı fikirlərini bildirdi:
Qalib gəldik. Vacib oyun idi. Futbolçuları təbrik edirəm. Belə deyim, çox vacib qələbə oldu.
– 2-ci qoldan sonra komandada arxayınlıq var idi sanki.
– Arxayınlıq yox idi. Sadəcə belə oyunlarda rəqib daha aktiv olmağa çalışır. Oyunda maksimum 3-5 dəqiqə ola bilər ki, oyunumuzu itirmək. Arxayınçılıq deyildi, sadəcə futbolçularımız belə tez qırmızı vərəqə gözləmirdi. Fasilədə də futbolçularım tapşırıq verdim ki, daha ciddi olsunlar.
– Uroş Matiçdən istədiyinizi ala bilirsiz?
– Miçel olanda biz sistem olaraq fərqli oynayırdıq. İndi başqa sistemlə oynayırıq. Matiç daha geridə çıxış edir. Bundan daha yaxşı Matiç görəcəyik. 4-5 ay oynamayan futbolçu yeni komandaya gələndə formasını bərpa etməsi üçün vaxt lazımdır.
Rəqibin baş məşqçisi mətbuat konfransına qatılmaq istəmir… Sizdə belə hal olub?
Bir dəfə olub. Çıxmışam stadiona, geri qayıtmışam.
– Müdafiədə boşluqlar var idi. Bəzən Bədavi, bəzən də Medina səhvlərə yol verirdi.
– Daha yaxşı müdafiə görəcəyik. Bu gün kiçik səhvlər var idi, bunlar da düzələcək. Sadəcə yorğunluq var idi. Bəzi detallar var idi, futbolçuların daha dəqiq oynamasına mane olurdu. Səhvlər var idi. Hər bir halda daha dəqiq oynamağı düşünməlidirlər
