Ardıcıl üçüncü dəfə Azərbaycan çempionu olan “Neftçi”nin II təsnifat mərhələsinin püşkatması zamanı səpələnmişlər (güclülər) sırasında yer alacağı məlumdu.
Korner.az-ın məlumatına görə, II təsnifat mərhələsindən başlayacaq 32 klubdan 29-u müəyyənləşib.
"Neftçi"nin potensial rəqibləri arasında güclü klubların da, məskunlaşdığını görə bilirik. Misal üçün bunların arasında Macarıstan çempionu “Qyor”, Bolqarıstan "Ludqorets"i və Bosniya və Herseqovina çempionatının son qalibi “Jelezniçar”ı göstərmək olar.
"Qyor" öz ölkəsinin çempionatında 29 matçda 18 qələbə qazanıb, 7 heç-heçə edib və 4 dəfə məğlub olub.
"Jelezniçar" isə çempionluğunu 20 qələbə, 6 heç-heçə və 4 yenilgi ilə qazanıb. Göründüyü kimi hər iki rəqib eyni sayda öz çempionatlarında məğlub olublar – 4.
Arzuolunmaz rəqiblərdən biri də, Bolqarıstan çempionu “Ludoqorets”di. "Neftçi"nin potensial rəqibi 22 qələbə, 6 heç-heçə və cəmi 2 yenilgi ilə Bolqarıstanda çempionluğu bayram etməyi bacarıb. Klub cəmi 30 oyunda 13 dəfə rəqiblərinə qol sevinci yaşadıb.
"Ağ-qaralar"ın digər potensial rəqibləri isə "diş"ə uyğundu. Belə ki, 2008-ci ildə iki oyunun cəmində məğlub edilən İsılandiya "Hafnarfyordur"u və "Xəzər Lənkəran"ın keçən il Avroliqada məğlub edərək tarix yazdığı "Nomme Kalyu"su bizə yad adlar deyil.
Elə "Neftçi"nin özü də, səpələmişlər arasında sözügedən bu ve diger səpələnməmiş klublar ən münasib rəqibdi.
34 klubun çıxış edəcəyi mərhələyə 2 komanda I təsnifatdan gələcək. Qalibi məlum olmayan Çexiya, Makedoniya və Çernaqoriya komandalarının da hansı səbətdə yer alacağı indidən dəqiqləşib.
Səpələnmişlər: BATE (Belarus, 39,175), “Seltik” (Şotlandiya, 37,508), “Styaua” (Rumıniya, 35,604), Çexiya çempionu (28,745 və ya 29,245), “Dinamo” (Xorvatiya, 25,9160), “Partizan” (Serbiya, 17,425), “Legiya” (Polşa, 13,650), “Şerif” (Moldova, 11,533), “Maribor” (Sloveniya, 9,941), “Slovan” (Slovakiya, 8,341), “Elfsborq” (İsveç, 8,125), “Makkabi” (Təl-Əviv, İsrail, 8,075), “Molde” (Norveç, 7,835), HİK (Finlandiya, 6,701), “Ekranas” (Litva, 6,300), “Neftçi” (Azərbaycan, 5,708), “Dinamo” (Gürcüstan, 5,333)
Səpələnməmişlər: “Jelezniçar” (Bosniya və Herseqovina. 4,566), “Hafnarfyordur” (İslandiya, 4,083), “Qyor” (Macarıstan, 3,850), TNS (Uels, 3,766), “Ludoqorets” (Bolqarıstan, 3,450), “Sliqo Rovers” (İrlandiya, 3,225), “Şaxtyor” (Qazaxıstan, 2,941), “Skenderbeu” (Albaniya, 2,833), “Birkirkara” (Malta, 2,541), “Kliftonvill” (Şimali İrlandiya, 2,116), “Dauqava” (Latviya, 1,658), “Nomme Kalyu” (Estoniya, 1,191), “Fola” (Lüksemburq, 0,925), Çernaqoriya, çempionu (1,300 və ya 2,550), Makedoniya çempionu (1,050 və ya 2,300), I təsnifat mərhələsinin 2 qalibi.
