"Dünəndən artıq istirahətimizə yekun vurmuşuq. Artıq Mingəçevirdəyik və hazırlıqlarımıza dünəndən başlamışıq. İstirahətdən qayıtdıqdan sonra bir az çətin olur məşq etmək. Ancaq indi yüngül məşqlərlə kifayətlənirik".
Bu sözləri Korner.az-a açıqlamasında "Qəbələ"nin futbolçusu Rövşən Əmiraslanov deyib. Əyalət klubunun gənc futbolçusu "Qəbələ"nin fasiləyə qədərki çıxışını da dəyərləndirdi:
"Ramiz Məmmədovun gəlişindən sonra "Qəbələ" özünə gəlməyə başladı. Bəzən məğlubiyyətlərdə oldu. Bu da qaçılmazdı. Fikirimcə biz fasiləyə kimi uğurlu çıxış etdik".
Əmiraslanov daha sonra ona gələn təkliflər haqda da, danışıb:
"Mən yalan danışmaqı xoşlamıram. Yalandan deyim ki, hə belə güclü klubdan təklif gəlib, nə bilim nə… Düzdü yerli klublardan mənə maraq göstərdilər. O qədər də, güclü klub deyildi. Ancaq mən "Qəbələ"yə məxsusam və bu klubun mənim üçün etdiklərini heç bir zaman unutmayacam".
R.Əmiraslanov geridə qalan ildəki çıxışına da toxunub:
"Fikirimcə pis bir mövsüm keçirtmədim. Sadəcə bir az xəstəliyim mənim üçün keçən ili yaxşı xatirə kimi yaddaşımda saxlamır. Ümumilikdə isə öz oyunumu qənaətbəxş hesab edirəm".