“Belə oyuna şərh vermək çətindir” – Arif Əsədov

“Neftçi”nin baş məşqçisi Arif Əsədov “İnter”ə uduzduqları oyunu şərh edib.

Korner.az-ın PFL-in saytına istinadən yaydığı xəbərə görə, görüşdən sonra keçirdiyi mətbuat konfransında bunları deyib:

“Belə oyuna şərh vermək çətindir. Tam üstünlüyümüzlə keçən oyunda məğlub olduq. Gözlənilməz bir şəraitdə qol buraxdıq. “İnter”in iki hücumu oldu və onlar bundan maksimum yararlandılar.  Biz isə şanslarımızdan istifadə edə bilmədik. Bütün bunlara baxmayaraq, həyat davam edir”.