Bu gün AZAL klubu toplanışın ilk mərhələsini tamamlayıb.
Korner.az-ın məlumatına görə, iyulun 16-sı səhər saatlarında Türkiyənin Bolu vilayətinə yola düşəcək. Hazırlığın ikinci mərhələsi qonşu ölkədə baş tutacaq.
13 gün burda qalacaq komanda 5 yoxlama görüşündə öz gücünü sınayacaq. Artıq rəqiblərin adları da bəllidi. Belə ki, AZAL iyulun 19-da İsfahan “Zob Ahan”ı (İran), 21-i “Mersin İdmanyurdu” (Türkiyə), 23-ü “Spartak-Tsxinvali” (Gürcüstan), 25-i “Balıkəsirspor” (Türkiyə) və bundan 2 gün sonra “Antalyaspor”la (Türkiyə) münasibətlərə aydınlıq gətirəcək.
Qeyd edək ki, bu klublardan “Balıkəsirspor” yeni mövsümdən etibarən Türkiyənin əsas liqası olan Superliqada mübarizə aparacaq.