"Yeni ili Türkiyədə ailəmlə birgə keçirdim. Boluda 2013-cü ilə qədəm qoyduq. Geridə qalan ili həm özüm üçün həm də, "Qarabağ" üçün uğurlu hesab etmirəm. Çünki mən keçən mövsümün sonlarında demək olar ki, oynamadım. Bu mövsümün əvvəlində bir-iki oyunda da, forma şansı qazana bilmədim. Lakin sonradan yenidən mənə güvəndilər. Klub olaraq isə 2012- bizə uğurlu olmadı. Çünki həmin il biz avrokuboklardan kənar qaldıq".
Bu sözləri Korner.az-a açıqlamasında "Qarabağ"ın qapıçısı Fərhad Vəliyev deyib. Qolkiper Antalya toplanışını dəyərləndirərkən ilk "altılıq" və çempionluq şanslarına da, toxunub:
"Biz sona kimi mübarizə aparıb çempion olmaq istəyirik. Əsas hdəfimiz budu. Sabah Antalyaya yola düşürük. Düzünü deyim yaman futbol üçün darıxmışam. Sabah artıq istirahətə yekun vurulacaq".
Ağdam klubunun əlcək sahibi daha sonra komandanın zəif yerləri haqda danışmaq istəməsə də, yeni transferlərin komandaya xeyir gətirəcəyinə inandığını bildirib:
"Komanda şəkilində 18 tur ərzində yaxşı çıxış etdik. Düzdü bəzən zəif oyunlarımızda oldu. Baş məşqçi daha yaxşı bilər hansı mövqeyə transferlər lazım olduğunu. Ancaq onu deyə bilərəm ki, Azərbaycanın ən yaxşı, üzdə olan futbolçuları var "Qarabağ"da.