Azərbaycan paraatletlərindən Dünya Kubokunda medal
01.05.2023 , 16:15
Azərbaycanın daha iki paraatleti Gürcüstanın paytaxtı Tbilisidə keçirilən Dünya Kubokunda medal qazanıb.
Korner.az xəbər verir ki, bu barədə Milli Paralimpiya Komitəsinin “facebook” səhifəsi məlumat yayıb.
Para-pauerliftinq idman növü üzrə milli komandanın üzvü Şamo Aslanov +107 kq çəki dərəcəsində 3 cəhdin cəmində 595 kq nəticə göstərərək gümüş medal qazanıb. O, fərdi kateqoriyada 205 kq nəticə göstərərək yarışı 4-cü pillədə tamamlayıb.
Para-pauerliftinqdə digər idmançı Talıb Zeynalov +107 kq çəki dərəcəsi “gənc idmançılar” kateqoriyasında, 146 kq nəticə göstərərək fərdi çəkidə qızıl medal qazanıb. Bu nəticə ilə idmançımız ümumi çəkidə də daha bir qızıl medalın sahibi olub. Zeynalov böyüklər arasında 146 kq ilə yarışı 5-ci pillədə tamamlayıb.
