Cüdo

Azərbaycan cüdoçularından Avropa kubokunda 2 medal

19.05.2024 , 10:00

İspaniyanın Malaqa şəhərində gənclər arasında cüdo üzrə Avropa kubokunun ilk günü keçirilib.

Korner.az xəbər verir ki, gənclərdən ibarət Azərbaycan millisi turnirdə iki medal qazanıb.

Təmsilçilərimiz yarışın ilk günündə 2 bürünc medal əldə edib. Məhəmməd Musayev (66 kq) və Aydın Rzayev (73 kq) yarışda fəxri kürsünün 3-cü pilləsinə qalxıb.

Qeyd edək ki, yarışa mayın 19-u yekun vurulacaq.