“Araz-Naxçıvan”ın Çempionlar Liqasındakı rəqibləri müəyyənləşdi
04.07.2024 , 17:50
Bu gün futzal üzrə Çempionlar Liqasının 2024-2025-ci il mövsümünün ilkin və əsas mərhələsinin püşkü atılıb.
Korner.az xəbər verir ki, UEFA-nın İsveçrənin Nyon şəhərindəki iqamətgahınd keçirilən tədbirdə Azərbaycan təmsilçisi “Araz-Naxşıvan”ın da rəqibləri müəyyənləşib.
Azərbaycan çempionu H qrupunda “Uddevalla” (İsveç), “Sparta” (Belfast, Şimali İrlandiya) və “Sillamae” (Estoniya) klubları ilə qarşılaşacaq.
“Araz-Naxçıvan” yarışa ilkin mərhələdən başlayacaq və oyunlar avqustun 20-dən 25-dək keçirləcək. Qrup qalibləri əsas mərhələdə iştirak hüququ əldə edəcəklər.
Qeyd edək ki, H qrupunun oyunları İsveçdə keçiriləcək.
H qrupu
“Araz-Naxçıvan” (Azərbaycan)
“Uddevalla” (İsveç)
“Sillamae Silla” (Estoniya)
“Sparta Belfast” (Şimali İrlandiya)
