Almeyda Qriqorçukun siyahısında
08.07.2018 , 18:06
Qazaxıstanın “Astana” klubu UEFA Çempionlar Liqasının I təsnifat mərhələsində “Sutyeska” ilə oyunlar üçün sifariş ərizəsini UEFA-ya göndərib.
“Astana”nı çalışdıran “Qəbələ”nin sabiq baş məşqçisi Roman Qriqorçuk heyətə 21 futbolçunu salıb. İştirak ərizəsində “Qarabağ”dan ayrılaraq, “Astana”ya keçən Riçard Almeydanın da adı var. Lakin Azərbaycan millisinin üzvü 20 nömrəli forma ilə braziliyalı kimi təqdim edilib. Amma Almeyda 2017-ci ildə vətəndaşlığını dəyişərək, Azərbaycan millisini seçib. Bu qeyddən sonra Almeydanın Azərbaycan vətəndaşlığından imtina etməsi sualı ortaya çıxıb.
Qeyd edək ki, 29 yaşlı futbolçu millimizdə 8 oyuna 1 qol vurub.
