13000-ci qol
08.08.2022 , 13:47
Azərbaycan çempionatları tarixində 13000-ci qol vurulub.
Korner.az PFL-in saytına istinadən xəbər verir ki, yubiley topu Azərbaycan Premyer Liqasının 1-ci turunun “Sabah” – “Sumqayıt” görüşünə (3:0) təsadüf edib.
Qarşılaşmadakı sonuncu qolun müəllifi olan Kristian Sebalyos ölkə çempionatlarının 30 illik tarixinə düşüb. O, 13 mininci qolun müəllifi olub.
Bu, 5100-cü qarşılaşmaya təsadüf edib. Daha 278 matçda texniki nəticə qeydə alınıb.
Qeyd edək ki, ölkə çempionatlarının ilk qoluna Mehman Alışanov imza atıb. O, 1992-ci il mayın 3-də keçirilən “Qarabağ” – “İnşaatçı” (Sabirabad) görüşündə qonaqların qapısına yol tapıb.