Bir neçə vaxtdır ki,səhhətində problem yaranan “12-ci oyunçu” Azarkeş Qrupunun rəhbəri İslam Cabbarlı ilk olaraq Sumqayıt şəhərinin 2 saylı xəstəxanasında müalicə alsa da, adıçəkilən səhiyyə ocağında şəraitsizlik ucbatından öz istəyi ilə evə buraxılaraq müalicəsini evində davam etdirirdi.
Bununla belə İslamın əsaslı müayinəyə ehtiyacı vardı.
Korner.az-ın 12cioyunçu.info saytına istinadən verdiyi məlumata görə, İslam Cabbarlı klub tərəfindən müalicəyə göndərilib. Bu barədə o, özü məlumat verib:
"Bir neçə gün öncə klubun vitse-prezidenti Tuyqun Nadirov mənimlə telefon danışığında səhhətimlə maraqlanarkən “Xəzər Lənkəran”klubunun lazım olan hər şeyi edəcəyini bildirdi. Bu gün səhər klubumuzun mətbuat katibi Hüseyn Cəbrayıloğlu zəng vurdu və bir neçə dəqiqə sonra ölkəmizin ən tanınmış və müasir tibb ocaqlarından olan Gömrük Hospitalının ambulansı ilə adıçəkilən hospitala müayinə üçün aparılacağımı bildirdi. Elə az sonra ambulans məni evdən götürərək Gömrük Hospiatlına apardı. Sözün düzü ölkəmizdə belə tibb müəsissəsinin olmasına sevindim. Ən müasir aparatlarla müayinə olundum. Hətta anjunoqrafiya belə olundum. Ürək damarlarımda problemlər var. Çox güman damarlardan birinə yaxında stend qoyulması lazım gələcək. Hazırda 6 saatdan çoxdur ki, Gömrük Hospitalında ən müasir palatada müayinəm davam edir. Klubumuz bütün müayinə xərclərini öz üzərinə götürüb. Əsas odur ki,indi səhhətimdə dəqiq nələrin baş verdiyi mənə tam aydın oldu.Çunki burda cox guclu avadanliqlar var və tanınmış həkimlər çalisir .Müayinəm bitdikdən sonra yenə də Gömrük Hospitalının ambulnası ilə evə aparlıcağam. Saytımız vasitəsilə klub rəhbərliyinə minnətdarlıq edirəm. İnşallah yaxında yenə də sizlərlə birgə olacağıma inanıram. Hamıya salamlarımı çatdırıram.”
