Sabah Topaz Premyer Liqasının 2013/2014 mövsümünün II turu çərçivəsində Zaqatalanın “Simurq” klubunu qonaq edəcək “Xəzər Lənkəran” oyun öncəsi son məşqinə çıxıb.
Korner.az-ın məlumatına görə, Lənkəran şəhər stadionunun əsas meydanında baş tutan məşqdə cənublular tam heyətlə hazırlıq keçməyib.
Belə ki, 2 futbolçu məşqə qatılmayıb. Bunlar zədəli qapıçı Duqlas Leyte və ailə problemləri üzündən hazırlığa qatılmayan Elnur Abdullayevdir.
Qeyd edək ki, “Xəzər Lənkəran” – “Simurq” oyunu sabah saat 20:00-da başlayacaq və matça giriş pulsuz olacaq.
