Vüqar Nadirova vəzifə verildi
16.02.2021 , 16:47
Veteran futbolçu, “Qarabağ” və millimizin sabiq üzvü Vüqar Nadirov MFL-in direktoru təyin olunub.
Korner.az xəbər verir ki, bu barədə AFFA-nın rəsmi saytı məlumat yayıb.
Fəaliyyətə başladığı gündən MFL tərəfindən istər kişilərdən, istərsə də qadınlardan ibarət komandalar arasında müxtəlif turnirlər təşkil olunub və MFL qısa müddət ərzində həvəskar futbolçuların böyük marağına səbəb olan layihələr həyata keçirib.
Təsisçilərin ümumi yığıncağında Vüqar Nadirovun direktor vəzifəsinə təyin edilməsi barədə qərar qəbul olunub.
Qeyd edək ki, MFL-in səhmlər paketinin 25 faizi AFFA-ya məxsusdur.
