Uruqvayın Futbol Assosiasiyasının (UFA) FİFA-dakı üzvlüyü müvəqqəti olaraq dayandırıla bilər.
Korner.az-ın məlumatına görə,buna UFA və Uruqvay hökuməti arasında yaşanan son olaylar səbəb olub.
Hökumət oyunların təşkili məsələsinə qarışaraq, bütün stadionlardan mühafizə polisini geri çağırıb. Nəticədə, təhlükəsizliklərindən narahat olan futbolçuların xahişinə əsasən bir neçə görüş təxirə salınıb. Uruqvay Futbol Assosiasiyası isə tam tərkibdə istefaya gedib. UFA-nın bununla bağlı bəyanatında deyilir: “Futbol öz qərarlarını çıxarmalıdır. Amma ölkədə yaranan siyasi vəziyyət buna imkan vermir”.
Hər şeydən əlavə, UFA daxilində də narazılıq var. Klublar futbol assosiasiyasının oyunların təqvimini təşkil etməsi qaydasından narazıdır. 2018-ci il Dünya Çempionatının seçmə oyunlarının teleyayımı ilə bağlı danışıqlarda da hər şeyə qaydasında deyil.
Bütün bunlar nəzərə alınaraq, Uruqvayın 2014-cü il Dünya Çempionatında iştirakı sual altına düşüb. Əgər ölkə hökuməti və futbol assosiasiyası öz aralarında razılığa gələ bilməsələr, FİFA Uruqvayın üzvlüyünü müvəqqəti olaraq dayandıra, ölkə millisinin isə hər hansı beynəlxalq turnirdə çıxışına qadağa qoya bilər.
