Sabah Çempionlar Liqası qrup mərhələsinin 4-cü turu çərçivəsində “Beşiktaş” “Monako”nu qonaq edəcək
Bununla bağlı keçirilən mətbuat konfransında “Beşiktaş”ın futbolçusu Tolgay Arslan “Monako” iləqarşılaşmadan yaxşı nəticə əldə edəcəklərini gözlədiyini bildirib. Çətin bir qarşılaşma olacağını vurğulayan Tolgay 3 xal əldə etmək niyyətində olduqlarını qeyd edib. Tolgay Arslan “Əldə edəcəyimiz qalibiyyətlə bütün türkiyə qürur duymalıdır. Azərkeşlərin dəstəyilə yaxşı nəticə əldə edə biləcəyimizi gözləyirik” deyə fikirlərini bildirib.
“Monako”dakı zədələnmələrlə maraqlanmadıqlarını və tərəflərin bir-birlərini yaxşı tanıdıqlarını dilə gətirən futbolçu “İtirə də bilərik, qazana da. Amma nə olursa olsun son saniyəyə qədər mübarizə aparacağıq. Sabahki matçda azərkeşləri gözləyəcəyik. Bunu da unutmamamlıyıq ki, biletin pulu 100 lirədən başlayır bu isə o deməkdir ki, insanlar pul yığaraq bura gəlirlər. Bz onları sevindirməyə məcburuq” deyə fikirlərini tamamlayıb.
Qeyd edək ki, “Beşiktaş” – “Monako” görüşü sabah Bakı vaxtı ilə saat 21:00-da İstanbulun “Vodafone Prk” stadionunda baş tutacaq.
