Kaxaber Sxadadze “İnter”lə yanaşı, Gürcüstan millisini də çalışdıracaq.
Korner.az-ın Qol.Az-a istinadən verdiyi xəbərə görə, gürcü mütəxəssis ölkənin futbol millisinin baş məşqçisi təyin edilib. Onunla bu gün müqavilə imzalanıb.
Müqaviləyə əsasən, Sxadadze gələn il yanvarın 1-dən, iyunun 1-ə kimi “İnter”lə yanaşı, Gürcüstan millisində də baş məşqçilik edəcək. O, bu müddət ərzində milli komandanı Malta ilə yoldaşlıq oyununa və Almaniya ilə “Avro-2016″nın seçmə mərhələ matçına çıхaracaq.
İyunun 1-də isə K.Sxadadze Gürcüstan millisi ilə iki illik yeni müqavilə imzayacaq.