“Sumqayıt”dan yeni transfer
18.06.2021 , 18:33
“Sumqayıt” növbəti futbolçunun keçidini reallaşdırıb.
Korner.az xəbər verir ki, klub son mövsümü “Qəbələ”də keçirmiş qapıçı Tərlan Əhmədli ilə 1 illik müqavilə imzalayıb. Tərlan “Sumqayıt”da 1 nömrəli formanı geyinəcək.
2012-2017-ci illər arasında da “Sumqayıt”da çıxış etmiş Tərlan Əhmədli bu dönəmdə ümumilikdə 11 oyun keçirib. Qapıçı son klubu “Qəbələ” ilə yanaşı (14 oyun) “Rəvan”, “Xəzər Bakı” və “Sabah” klublarının da uğurları üçün çalışıb.
