“Sumqayıt” bəyanat yaydı
Dünən “Sumqayıt” və “Qəbələ” klubları arasında keçirilən yoxlama oyununda (1:2) xoşagəlməz hadisə yaşanmışdı.
Korner.az xəbər verir ki, qarşılaşmanın 40-cı dəqiqəsində stadionda olan bir azarkeş tərəfindən “Qəbələ”nin qara dərili futbolçusu Ekiqo Ehiosuna qarşı təhqiredici ifadələr səsləndirilməsi ilə bağlı “Sumqayıt” klubu bəyanat yayıb.
Klubun rəsmi saytında yayılan bəyanatda deyilir: “Sumqayıt” Futbol Klubu olaraq, bu cür halları pisləyir, hadisənin araşdırılması yönündə işləri davam etdiririk. Güman olunur ki, bu şüar meydanda əyləşən bir azyaşlı tərəfindən səsləndirilib.
Sumqayıt futbolsevərlər şəhəridir, fanatlarımız bu günə qədər daim istənilən rəqibə və futbolçuya hörmətlə yanaşıb. “Sumqayıt” Futbol Klubu belə hərəkətin yolverilməz olduğunu açıqlayır”.
