Bu gün Azərbaycan Premyer Liqasının 12-ci turunda öz meydanında “Neftçi”ni qəbul edəcək “Simurq” bu oyuna ciddi itkilərlə çıxacaq.
Korner.az-ın klubun saytına istinadən yaydığı xəbərə görə, uzun müddətdir zədədən əziyyət çəkən Banas Adam fasilə müddətində komandayla birgə məşqlərə başlasa da, bu matçda oynamayacaq.
Murad Səttarlıya da qarşılaşmada şans verilməyəcək. Həmçinin Vüqar Mustafayev zədə səbəbindən “Neftçi” ilə oyunda komandasına kömək edə bilməyəcək. “Xəzər Lənkəran”la görüşdə sarı vərəqə limitini dolduran Rəşad Eyyubovda cəzalı duruma düşdüyündən bu görüşü buraxmalı olacaq.
