Rusiya milli komandasının sabiq yarımmüdafiəçisi Aleksandr Mostovoy yığmalarının DÇ-2014-dəki çıxışə ilə bağlı “Sport-eskpress” qəzetinə müsahibə verib.
Müsahibəni ixtisarla təqdim edirik.
– DÇ-2014-ün birinci hissəsi haqda danışarkən, siz Rusiya millisinin qrupu birinci yerdə tamamlayacağını gözləyirdiniz?
– Bu, təəccüb doğurmadı. Yalnız çoxları kimi mən də Rusiyanın Portuqaliya üzərində qələbəsini gözləmirdim. Çünki heç-heçə də bu görüşdə əla nəticə olardı. Amma hər şey bizim üçün yaxşı alındı. Hazırda biz ikinci yerdəki komandadan beş xal irəlidəyik.
– Rusiya üçün hansı oyun daha çətin oldu?
– Yəqin ki, elə Portuqaliya ilə Moskvadakı görüş. Bütün hallarda həmin matçda heç-heçə məntiqli nəticə olardı. Azərbaycanla oyun isə ona görə çətin oldu ki, qələbəni oyunun sonlarında penalti sayəsində qazana bildik. Rəqib komandanın bəxti gətirdi ki, Rusiya qolu erkən vurmadı.
– İkinci yerlə Rusiya yığması arasındakı beş xallıq fərq gələcəyə nikbin baxmağa əsas verir?
– Hə. Biz Portuqaliyada müsbət nəticəyə ümid edə bilərik. Məğlubiyyət də bizim üçün faciə olmaz. Çünki bu halda da Rusiya turnir cədvəlində üstünlüyü qoruyacaq. Digər rəqiblərlə qarşılaşmada isə xal itirəcəyimizə inanmıram. İsrailin Moskvada bizə ciddi müqavimət göstərəcəyinə inanmıram. Şimali İrlandiya təhlükə yaratmır. Amma Azərbaycan evdə əsl döyüşkənlik nümayiş etdirə bilər. Bu mənada, indi Portuqaliya uğurlu çıxış etmək haqda daha çox düşünməlidir. Çünki bu komandanın taleyi çox halda Rusiyadan asılıdır. Sirr deyil ki, Kriştiano Ronaldo və onun kampaniyası seçmə mərhələdə pis çıxış edir. Cari oyunlar da bu baxımdan istisna olmadı.
