"İllik büdcəmiz 7 milyon avro təşkil edir, ən yüksək ödənişli futbolçumuz ildə 300 min avro qazanır. Ancaq rəqəmlər əsas deyil. Klub tədricən inkişaf etməlidir. Mən bunun üzərində çalışdım. Flavinyonu “Korintians”, “Cenoa”nın əlindən aldıq. Bizdə əvvəl icarədə oynadı, sonra transfer hüquqlarını aldıq. Flavinyo komandamızın bir hissəsidir. Meydanı yaxşı görür və uzaqdan fantastik zərbəsi var. Legionerlər və gənc futbolçulardan ibarət heyətlə çempionluğu qazandıq.
Korner.az-ın məlumatına görə, “Neftçi”nin prezidenti Sadıq Sadıqov ilk dəfə olaraq klubun büdcəsi ilə bağlı açıqlayarkən deyib.
O, bu haqda “İnter”lə görüş ərəfəsində İtaliyanın məşhur “La Gazetta Dello Sport” nəşrinə müsahibəsində bildirib. Sadıqov sabahkı oyun haqda da danışıb:
“İnter”ə qarşı oynamaq bizim arzumuzdur. Ancaq bu, həmçinin onu deyim ki, biz qalib gələ bilərik. İtiriləsi heç nəyimiz yoxdu. Əgər növbəti mərhələyə çıxsaq, yəqin ki, heyətimizdə güclənmə olacaq".