“Sabah”da qapıçılar günü – VİDEO
15.04.2022 , 19:55
14 aprel – Beynəlxalq Qapıçılar Günü ilə bağlı “Bank Respublika Arena”da “Sabah”ın qapıçıları ilə klubun akademiyasının və “Vətən” Futbol Məktəbinin qolkiperləri arasında görüş olub.
Korner.az klubun saytına istinadən xəbər verir ki, görüş zamanı ilk olaraq “Sabah”ın qapıçılar üzrə məşqçisi Vitali Kovalyov azyaşlı qapıçılara ustad dərsi keçib, oyunlar zamanı qolkiperlərin diqqət yetirməli olduğu məqamlar barədə danışıb.
Daha sonra azyaşlı qapıçılar əsas komandanın qolkiperləri Səlahət Ağayev, Yusif İmanov, Aleksandr Neçayev və Rüstəm Samiqullinə suallar ünvanlayıb, onlarla birgə futbol oynayıblar. Görüşün sonunda komandanın qapıçılar üzrə məşqçisi Vitali Kovalyovun suallarına ən yaxşı cavab verən bir azyaşlı qapıçıya qolkiperlərin imzalı forması hədiyyə verilib.
