Ruslan Abışov iki klubumuzun hədəfində

“Rubin”in futbolçusu, həmyerlimiz Ruslan Abışov karyerasını yenidən Azərbaycanda davam etdirə bilər. 

Korner.az-ın  məlumatına görə,“Xəzər Lənkəran” və “Qəbələ” klubları yığmanın futbolçusu ilə ciddi maraqlanır.

Hər iki klub müqavilə şərtlərini futbolçuya çatdırıb. Abışov hələlik onlara cavab verməyib. Qeyd edək ki, Abışovun Kazan təmsilçisi ilə müqaviləsi başa çatmayıb. Bununla belə, “Rubin” onun başqa kluba keçmək üçün danışıqlar aparmasına etiraz etmir.