Rusiya Futbol İttifaqının (RFİ) Nəzarət-İntizam Komitəsi Avropa Liqasının qrup mərhələsində "Neftçi"nin rəqibləri sırasında yer alan Kazan “Rubin”inin türk futbolçusu Gökhan Törənin 3 oyunluq cəzası dəyişdirilib.
Korner.az RFİ-nin saytına istinadən xəbər verir ki, Rusiya çempionatının 9-cu turu çərçivəsində “Kuban”a qarşı keçirilən görüşdə kobud oyuna görə 3 oyunluq cəza alan Gökhana 3 aylıq sınaq müddəti verilib.
Xatırladaq ki, türk futbolçu 3 oyunluq cəza almışdı. O, artıq komandasının iki oyununu buraxıb. Verilmiş qərara uyğun olaraq, o, növbəti turda – Moskva MOİK-i ilə qarşılaşmada meydana çıxa biləcək.