Ronaldodan daha bir rekord

“Real” İspaniya La Liqasında 10-cu tur çərçivəsində doğma meydanda “Rayo Valyekano”nu 5:1 hesabı ilə darmadağın edib. 

Korner.az-ın məlumatına görə, meydan sahiblərinin heyətində hal-hazırda dünyanın 1 nömrəsi olan Kriştiano Ronaldo 1 qola imza atmaqla “Real”ın tarixinə düşüb. “Real”ın tarixində İspaniya La Liqasında ardıcıl 10 turda qol vuran yeganə futbolçu Ronaldodur.

Qeyd edək ki. bu mövsüm La Liqada 10 oyuna 18 qol vurmaqla Ronaldo bombardirlər siyahısına da başçılıq edir.