21 yaşadək futbolçulardan ibarət komandalar arasında Avropa çempionatının seçmə mərhələsində noyabrın 9-da Almaniya, noyabrın 14-də isə Kosovo yığması ilə qarşılaşacaq Azərbaycan millisi itki ilə üzləşib
Topaz Premyer Liqasının 11-ci turunda “Kəpəz”lə oyunda zədələnən “Qarabağ”ın futbolçusu Ramil Şeydayev Almaniya yığması ilə oyunda meydana çıxa bilməyəcək. Bu gün keçirilən MRT müayinəsindən sonra onun oyuna hazır olmadığı müəyyənləşib.
Futbolçunun Kosovo yığması ilə oyunda çıxış edib-etməyəcəyi qarşıdakı günlərdə bəlli olacaq.
